جدید پنجابی شاعری
جھوٹا ای سہی یار تے ہے نا
اوہدے نال بہار تے ہے نا
اج میں چوڑی توڑ کے پچھوں
اوہدا میرا پیار تے ہے نا
من سلوٰی نہیں فر وی خیر اے
روٹی نال اچار تے ہے نا
مینوں محلاں وانگوں جاپے
کچا ای سہی گھار تے ہے نا
میں جے چھوٹا تاں اوہ وڈا
میرا وی کردار تے ہے نا
چھڈ کے بلبل جا نہیں سکدی
پھل نہیں باغے خار تے ہے نا
افضل نوں توں چیتے رکھیا
بھلنا وی دشوار تے ہے نا
ندیم افضل
No comments:
Post a Comment
Note: only a member of this blog may post a comment.