جدید پنجابی شاعری
چارہ گر سو چارے بدلے
پر نہ لیکھ ستارے بدلے
بیلی، ویلا، حسن، جوانی
اک اک کر کے سارے بدلے
اپنی اصل وکھاون دے لئی
سجن کر کے کارے بدلے
شاماں تیک کھلوتے رہے آں
تیرے یار نظارے بدلے
ڈاہڈے دا اک دبکا سن کے
ویکھو کنج وچارے بدلے
پہلی وار سی معافی دتی
اوس بیان دوبارے بدلے
تیرے بوہے آیا افضل
لے لے اج مٹیارے بدلے
ندیم افضل
No comments:
Post a Comment
Note: only a member of this blog may post a comment.