جدید پنجابی شاعری
رت لنگھ گئی فیر بہاراں دی اجے چٹھیاں مدینیوں آیاں نہیں
نت حجر دے بھانبھڑ ساڑن پئے وصلاں دیاں بدلیاں چھائیاں نہیں
جے چنگیاں دی منظوری اے دسو مندیاں دا تھاں کہڑا اے
اسی مندڑے ہاں پر تیرے ہاں اساں ہور کسے نال لائیاں نہیں
اساں منیاں ایہو پک ساڈا لجپال تساں جہیا ہور نہیں
تیرے باجھوں سوہنیا محبوبا کسے مندیاں نال نبھائیاں نہیں
بے عملا ہاں کجھ پلے نہیں ایک مان اے سجن نوں نسبت دا
حبدار میں تیری آل دا ہاں میں کیتیاں ہور کمائیاں نہیں
محمد علی سجن
No comments:
Post a Comment
Note: only a member of this blog may post a comment.