جدید پنجابی شاعری
دل دا حال سنا بیٹھی آں
اپنی قدر گنوا بیٹھی آں
سر دی چنی لاہ کے اڑیا
تیری پگ بنا بیٹھی آں
سوہنی ہیر زلیخا وانوں
میں وی عشق رچا بیٹھی آں
ہن نئیں تیرا ناں مٹ سکدا
ساہواں تے لکھوا بیٹھی آں
صاحبہ وانگوں تیر نئیں توڑے
آخر دھوکا کھا بیٹھی آں
دس کیویں بُھل جاواں تینوں
روح دے میل کرا بیٹھی آں
جو کرنا ای کر جا سائیاں
تیرے سانویں آ بیٹھی آں
نرگس نور
No comments:
Post a Comment
Note: only a member of this blog may post a comment.