جدید پنجابی پوٹھوہاری شاعری
لایا ای کے ٹنگسار او ربّا
ہِکّے واری مار او ربّا
تھک گئے آں بشکار او ربّا
ہُن کر رار یا پار او ربّا
ٹُرسی کدوں قطار او ربّا
آسی ساڑھی وار او ربّا
روز سویلے کُدھر گشنے
ایہہ کانگاں نے ڈار او ربّا
میں تہاڈے نال دل نہ لانا
توڑ نہیں چڑھنے پیار او ربّا
لِسِیاں فصلاں نی راکھی کر
بن مہاڑی پلیار او ربّا
ہک ساہے نی قیمت سُن کے
ہو گئے ٹھڈّے ٹھار او ربّا
دِلَے نی چُپ چُھپانے تائیں
مارنے پئے بڈیار او ربّا
مہاڑے دِل وِچ مہاڑا حج اے
جتھے تہاڈا گھار او ربّا
علی ارمان
No comments:
Post a Comment
Note: only a member of this blog may post a comment.