جدید پنجابی شاعری
سُن کے اپنا حال سیانے
لڑ پئے میرے نال سیانے
میں ویکھے نیں کملے ہوکے
آٹیوں کڈھدے وال سیانے
ما پے کَلّے رہ جاندے نیں
ہوندے نیں جد بال سیانے
ایہ کیہ گل اے گلاں وچ ای
گل دیندے نیں ٹال سیانے
کُسدے پئے نیں گُھگو گھوڑے
کھاندے پئے نیں مال سیانے
پچ کے رہنا وَنّ سوَنّے
لئی پِھردے جے جال سیانے
پتھراں ہتھ نہ آؤندے خُرما
ہوندے جے کر لعل سیانے
خرم چودھری
No comments:
Post a Comment
Note: only a member of this blog may post a comment.