پنجابی سرائیکی شاعری
سوچیندا کجھ ہاں تے تھیندا کُجھ ہے
دماغ سوچاں تُوں ویندا رُجھ ہے
میں ڈیوا دلچسپ بال رکھداں
ہوا وی کائینی تے ویندا بُجھ ہے
وقت نہ پُچھ کیویں گُزردا پئے
ڈیکھ! اکھیں تُوں غم نظردا پئے
سچ تے ہوندیں ہوئیں یار بُڈدے پیوں
کُوڑ کُوڑے دا ڈیکھ تردا پئے
میکوں وِسرے ہا گال کئی نہ ہئی
ساری وستی دے ونڑ وِسردا پئے
میڈے اپنڑے بہُوں مخالف ھِن
غیر سُنڑ تے اے گال ٹھردا پئے
چندر چہرے دی روشنی ڈے چا
کئی اندھارے کنوں گُزردا پئے
اوکھ ہوندیں وی اوکھ نئیں ثروت
درد تیڈا میکوں پکردا پئے
سعید ثروت
No comments:
Post a Comment
Note: only a member of this blog may post a comment.