پنجابی سرائیکی شاعری
جے پرواز دے اہل پر کائناں ہوون تاں
پہاڑیں دے چوٹیں توں درک نئیں مریندے
جے درک مار بیٹھاں تاں برداشت کیتا
اوندے بعد ڈولیں کوں چک نیں مریندے
محبت دے معصوم در درد ماریے
سمندر سمبھیدن دکانیں دا کم نئیں
محبت دے راہی کوں راہو ولاونڑ
چواباز چکھڑے چٹانیں دا کم نئیں
محبت دے راہ صرف سنگتی روکیندن
پہاڑیں دا کم نیں طوفانیں دا کم نیں
محبت دے قد انتظاراں کچھیندین
ایندی طول تک امتحانیں دا کم نئہیں
محبت دے جذبے جفائیں جگیندن
نمازیں دا کم نیں اذانیں دا کم نیں
مجبت کیتے انکساری امر ہے
اتھاں شوخ شعلہ بیانیں دا کم نئہیں
محبت محتاج اے، محتاجیں کوں منہ تے
محتاجی دے مہنڑیں تھڑک نیں مریندے
جے پرواز دے اہل پر کائناں ہوون تاں
پہاڑیں دے چوٹیں توں درک نئیں مریندے
بشیر غمخوار
No comments:
Post a Comment
Note: only a member of this blog may post a comment.