جدید پنجابی شاعری
اکھاں وچ ملال نہ کوئی
ہونٹاں تے سوال نہ کوئی
دل نوں ایہو دھڑکا رہندا
چل جائے او چال نہ کوئی
میں اپنی مثال آں آپے
میری دیوے مثال نہ کوئی
چادر دی اینج بُکل ماراں
میرا ویکھے وال نہ کوئی
اندر و اندری کھا جائے گا
غم سینے وچ پال نہ کوئی
اونہوں آپ ای ملنا پینا
تینوں دے وے ٹال نہ کوئی
کنے دن ہو گئے نے وچھڑیاں
پُچھن آیا حال نہ کوئی
روندیاں تہوندیاں عمراں نگیاں
سُکھ نال نگیا سال نہ کوئی
میں شمیم ہُن سون جے لگی
مینوں کرنا کال نہ کوئی
شمیم چودھری
No comments:
Post a Comment
Note: only a member of this blog may post a comment.