جدید پنجابی شاعری
کی تیری تقدیر نی ہیرے
ہجر دی گل زنجیر نی ہیرے
وحدت دے دریا وچ وڑ کے
رانجھا تیرا پیر نی ہیرے
میں اک بت آں مٹی دا
روح توں وچ سریر نی ہیرے
تیرے لیکھاں چین نہیں لکھیا
رہناں توں دلگیر نی ہیرے
تیرے دکھ نہیں مک سکدے
ھیں توں عشق اسیر نی ہیرے
جس دن ملنا مٹی جا کے
ملنی نہیں تصویر نی ہیرے
موت نوں جس دن ملنی موت
ہونی تیری اخیر نی ہیرے
محمد سلیم
No comments:
Post a Comment
Note: only a member of this blog may post a comment.