پنجابی سرائیکی شاعری
بول نہ ڈھول اینویں مجبوریاں ہوندین پیاں
پیار والیں دے لیکھ اِچ دُوریاں ہوندین پیاں
اپنْاں پیار جے توڑ نہ پُناں مُونجھ نہ کر
ڈھیر کہانیاں یار ادھوریاں ہوندین پیاں
پیار کرنڑ والیں دا حق اے رت ڈیون
کہیں دی قسمت وچ چُوریاں ہوندین پیاں
جگ آہدے جو خوشبو قید نی تھی سگدی
قید دے وچ وی کئی کستوریاں ہوندین پیاں
دل کالے تے اندر مَیلے ہوندے ہِن
باہروں شکلاں گوریاں بھوریاں ہوندین پیاں
تیر مریندن پُھلاں نال سِنگار کراہیں
زہر پٹھن تاں لال کندوریاں ہوندین پیاں
جیون ارشد کلھیں جیون، کیا جیون
رو رو تے بس زندگیاں پُوریاں ہوندین پیاں
امان اللہ ارشد
No comments:
Post a Comment
Note: only a member of this blog may post a comment.