پنجابی سرائیکی شاعری
جیرھا جیرھا وی پیار تئیں ویندے
اوہو اعلیٰ معیار تئیں ویندے
وفا شناسی دی لڄ جو پالی ہس
یار اینجھاں مزار تئیں ویندے
اے کیفیت ڈسیج نئیں آندی
کینویں بکھا بازار تئیں ویندے؟
دل دلیلاں دے وات آندا ہے
بندا سوکھا کئی یار تئیں ویندے؟
دُھپ تے سڑدا ھ سارا ڈینہہ شودا
او کئی اینویں ہزار تئیں ویندے؟
ساکوں کڈاں اے شرف حاصل تھئے
صرف موسی دیدار تئیں ویندے
ہووے قابل ملاح تاں وت شامی
بیڑا پُچھے اے پار تئیں ویندے
طارق شامی
No comments:
Post a Comment
Note: only a member of this blog may post a comment.