جدید پنجابی شاعری
اج زُلفاں دی چھاں نی جِندے
کر دے ساڈے ناں نی جندے
بَلدے سینے ٹھنڈاں پا دے
کر کے بس اِک ہاں نی جندے
ڈوب دے بھاویں تار دے سانوں
تیرے ہتھ نیاں نی جندے
روپ سروپ دی، اوہ شہزادی
نوکر بن گئے، تاں نی جندے
بُہتی نا سہی، تھوڑی بُہتی
دل وِچ دے دے تھاں نی جندے
اوہدے ناں تے، کھا کھا چُوری
مُکّر گئے نیں، کاں نی جندے
سجناں باجھوں، وگدا رہندا
پلکاں ہیٹھ چنہاں نی جندے
نذیر عباس
No comments:
Post a Comment
Note: only a member of this blog may post a comment.