پنجابی سرائیکی شاعری
رنگلی
میں جو آکهیے توں رنگلی پتنگ تهی ڈکها
ڈور بوچهنڑ بنڑیے، او پتنگ تهی گئی
میں جو آکهیے تو پگلی، ملنگ تهی ڈکها
پیریں گهنگهرو بدها کے ملنگ تهی گئی
میں جو آکهیے تو موسم دا رنگ بنڑ ڈکها
پینگھ بنڑ کے او ساونڑ دا رنگ تهی گئی
میں جو آکهیے وڈی تهی کے میکوں منگیں
پا کے مندری میڈی، میڈی منگ تهی گئی
میں جو آکهیے نشہ بنڑ کے میکوں ملیں
میڈے گل لگ کے ساوی جهئیں بهنگ تهی گئی
میں جو اکهیے میں بئی ہک دے چکر عچ ہاں
چیل کوں بدھ کے بوچهنڑ او جنگ تهی گئی
میں جو آکهیے توں ساونڑ دا تحفہ تاں بنڑ
مرکڑیں مرکڑیں، پنڈ دا ڈنگ تهی گئی
میں جو آکهیے کوئی جلترنگ تاں سنڑا
کچ دے وچ ول او ڈهل کے تے ونگ تهی گئی
میڈی ہر سوچ وچ او تاں ڈهلدی گئی
میڈی سیجهیں دا آخر پلنگ تهی گئی
ہنڑ تاں خالد اووہے رنگ گولیندا ودے
او تاں خود کوں مٹا کے، بے رنگ تهی گئی
خالد پرویز
No comments:
Post a Comment
Note: only a member of this blog may post a comment.