جدید پنجابی شاعری
چار چوفیرے جُھکیاں ہوئیاں نظراں نیں
بندے نیں یاں ٹُردیاں ہوئیاں قبراں نیں
اَج نہیں تے کل نُوں رستے نِکلن گے
کندھاں دے وچ وجیاں ہوئیاں ٹکراں نیں
لفظاں چوں آوازاں پُنگرن لگیاں سی
ڈر کے سارے لفظ ای کھا لئے سطراں نیں
روشنیاں دی ساری تانگھ مکائی اے
ادھی راتیں ہوون والیاں فجراں نیں
ماضی دے لئی حال اُجاڑ کے بیٹھے آں
پیشی ویلے چیتے آندیاں عصراں نیں
احمد نعیم ارشد
No comments:
Post a Comment
Note: only a member of this blog may post a comment.