جدید پنجابی شاعری
رہ گئے ادھ وچکارے باوا جی
ہے ساں جو منتارے باوا جی
گھل کے پار پیارے باوا جی
سد پتناں تے مارے باوا جی
اوہنوں جِت دا سہرا بنھن لئی
جان کے بازی ہارے باوا جی
میرے سُکھ لئی میرے بابل نیں
ساہ وی سِر توں وارے باوا جی
لوبھاں، نفرت، فتوے مُلاں دے
تھاں تھاں پُتّر مارے باوا جی
میرے سنگ جو ہسدے رہندے سن
چُپاں وٹ گئے تارے باوا جی
یار نذیرا نچناں چاہوندا اے
چڑھ کے عشق چبارے باوا جی
نذیر عباس
No comments:
Post a Comment
Note: only a member of this blog may post a comment.