جدید پنجابی شاعری
میرے دکھ ونڈاوں والی ٹُر گئی اے
اتھرو پونجھ ہسآون والی ٹر گئی اے
دکھڑے سن کے نال سینے دے لاؤندی سی
بُکل وچ لکاون والی ٹر گئی اے
ماواں وانگر سر تے ٹھنڈی چھاں سی اوہ
نگی گود سواون والی ٹر گئی اے
ایک واری میں فیر یتیمن ہو گئی آں
لاڈاں نال کھڈآون والی ٹر گئی اے
بھُل نئں سکدی اوہدیاں سوہنیاں یاداں نوں
بانہواں وچ جھولاون والی ٹر گئی اے
راہوں میریاں دے وچ چانن کردی سی
پیار دے دیپ جگاون والی ٹر گئی اے
انگلی پھڑ کے نکیاں نکیاں ہتھاں دی
ٹُرن دی جاچ سکھاون والی ٹر گئی اے
کیہڑا سمجھے گا ہُن میریاں روسیاں نوں
مینوں سحر مناون والی ٹر گئی اے
رضوانہ سحر ہاشمی
No comments:
Post a Comment
Note: only a member of this blog may post a comment.