پنجابی سرائیکی شاعری
سئیں خواب خواب ہوندن
سکھڑیں عذاب ہوندن
دوروں نظردے دریا
اکثر سراب ہوندن
خوابیں دے نال نہ تھی
خوابیں کوں نال نہ کر
خوابیں دی گالھ نہ کر
نہ پُچھ ساڈے ٹکانڑیں
سندھ نال وہندے پیسے
چھاہیں خیریت کرتے
بھاہیں کوں سہندے پیسے
اُچ دے مزاریں وانگیں
بُھر بُھر تے ڈھاندے پیسے
خود کوں سنبھال ڈھیر ھے
ساڈی سنبھال نہ کر
خوابیں دی گالھ نہ کر
کِن گئیاں سندور سیندھاں
مہندی رچیاں ہتھیلیاں
پِڑ تے جھمر دا پھیرا
پھیرے دے وچ سہیلیاں
کن گئین لوگ وسدے
کھولے بنڑین حویلیاں
میں تاں ہاں خود سوالی
اتنے سوال نہ کر
خوابیں دی گالھ نہ کر
امان اللہ ارشد
No comments:
Post a Comment
Note: only a member of this blog may post a comment.