تونڑیں جو بہوں ذلیل ہے

 پنجابی سرائیکی شاعری

کفیل

تونڑیں جو بہوں ذلیل ہے 

مگر میڈا کفیل ہے

ڈکھیں توں چور تھی گیاں 

وطن توں دور تھی گیاں

تے قید، قید خانے وچ

میں بے قصور تھی گیاں

کتھاں کوئی سکھ دی ہیل ہے

مگر میڈا کفیل ہے

کہیں وی پچھیا حال نی

تے نال ذال بال نی

اتھاں تاں عمرہ گل ویسی 

اے لحظے کھن دی گالھ نی

سفر ہزاراں میل ہے

مگر میڈا کفیل ہے

میں عرض کیتی آویں ہا

کرم کوئی کماویں ہا

ودھائے نی کم تاں بے سبب

جیہاڑی وی ودھانویں ہا

نراض تھی تے آکھدے

کوئی میں کنیں زنبیل ہے

مگر میڈا کفیل ہے

فیض بلوچ