جدید پنجابی شاعری
ویلا ویہل نہیں دیندا
ویہل تے کڈنی پیندی
کدی ایہہ جندڑی جیویں لبھی
اُنج ای کٹنی پیندی
کدی ایہہ جیویں ہووے ضد نال
اُنج نہیں اے رہندی
کدی ایہہ ہر گل اُتے اگوں
اپنی گل ای کہندی
ویلے ہتھ مہار پھڑا کے
کدی ایہہ دل دی من دی
کدی ایہہ ویلے دے گھر وس کے
اپنے سفنے بھن دی
کدی ایہہ اکھیں ہنجودے کے
ہتھ دی بن دی مہندی
ویلا ویہل نہیں دیندا
ویہل تے کڈنی پیندی
خاقان حیدر غازی
No comments:
Post a Comment
Note: only a member of this blog may post a comment.