پنجابی سرائیکی شاعری
تماشہ
چھوٹے لا وستی دے اندر
خوب تماشہ ڈیدھے ہاسے
سبھ لوکاں کوں کٹھا کرتے
اپنی سوٹی نال مداری
باندر کوں نچویندا ہا
ڈبیاں اتیں ڈبے رکھ تے
بکری کوں ٹُرویندا ہاب
اوندی سوٹی کولوں ڈر تے
رِچھ وی جُھمراں پیندا ہا
اج تاں ملک سیاست ساکوں
وانگ تماشہ لگدی پئی ہے
اتھ وی یار مداری ہے پیا
سوٹی چا تے ٻیٹھے تھیا
ڈھونگیاں کوں نچیویندا پئے
سوٹی نال اشارہ کرتے
مرضی نال ٹُریندا پئے
بال جمہورے کوں نتھ پا کے
جُھمراں خوب کھڈیندا پئے
اساں اُنویں بالیں وانگوں
ڈیکھ تے خوش پئے تھیندے ہئیں
بھولے بن پئے جیندے ہئیں
شکیل انجم لاشاری
No comments:
Post a Comment
Note: only a member of this blog may post a comment.