جدید پنجابی شاعری
ورھدی اگ بُجھا دے ربا دھرتی تے
رحمت دا مینہ پا دے ربا دھرتی تے
جنگل بیلا رُکھ تے ڈنگر مردے پئے
سب دی پیاس مٹا دے ربا دھرتی تے
منیا لکھ گُناہاں دے وچ اُمت ڈُبی اے
رحمت دا مینہ پا دے ربا دھرتی تے
تیری رحمت بے پایاں تے میں عاجز
مُکدی گل مُکا دے ربا دھرتی تے
سلیم شکر دا کلمہ پڑھ پڑھ رجے گا
رحمت دا مینہ پا دے ربا دھرتی تے
محمد سلیم
No comments:
Post a Comment
Note: only a member of this blog may post a comment.