جدید پنجابی شاعری
اے میتھوں سچ لکویا کوئی نئیں
تیرے ورگا تے ہویا کوئی نئیں
اوہدے جان تے سارے لوکی
اتھرُو سُٹے رویا کوئی نئیں
عشق دے پینڈے چھڈنا سوکھا
ایتھے کالیاں اگے ٹویا کوئی نئیں
جیوندا اے او وکھ ہون توں بعد
میں وی ہن تک مویا کوئی نئیں
میں وی ایویں آواز چا ماری
او وی آن کھلویا کوئی نئیں
ہور وی اکھاں والے سن
پر کسے اینج ڈبویا کوئی نئیں
گلاں ای کردا سی بس فانی
سچ مچ پاگل ہویا کوئی نئیں
انعام فانی
No comments:
Post a Comment
Note: only a member of this blog may post a comment.