جدید پنجابی شاعری
میرے اکھر پئے نیں چار چُفیرے گلاں کردے
جِسراں پِنڈ وچ بہ کے وڈ وڈیرے گلاں کردے
اوہ وی دِن سی ساڈے توں سن چن سورج وی جھکدے
اج نیں سانوں سارے جگ دے نھیرے گلاں کردے
جِتھے ہووے ہنساں اُتے کاواں دی سرداری
تِتراں نوں نیں اوتھے روز بٹیرے گلاں کردے
تیری میری گل سی جیکر تیری میری رہندی
اِنج نہ مینوں میرے تینوں تیرے گلاں کردے
توں کیہ جانے چن پنجاب چ کِنج دیاں سن سانجھاں
توں نہیں ویکھے کندھاں نال بنیرے گلاں کردے
حالے تیکر دِل تے اکھ نوں اوہ تھاواں نہیں بُھلیاں
جِتھے دِل تے اکھ سی شام سویرے گلاں کردے
تگڑے واری لگ جاندے نیں سندھو جِِبھ نوں جندرے
ماڑے نوں نیں ایتھے لوک بتھیرے گلاں کردے
ارشاد سندھو
No comments:
Post a Comment
Note: only a member of this blog may post a comment.