جدید پنجابی شاعری
بے یار تے بے وس دے مدد گار تُسی او
غم کھاہدی ہوئی جان دے غمخوار تُسی او
کوڑا نہیں لگیا کدی سچ جس دی زبانوں
منیا اے زمانے نے اوہ سچیار تُسی او
سبھ عظمتاں سرکار نوں ای سوہبدیاں نیں
دو جگ دےآں سرداراں دے سردار تُسی او
لگیاں ہویاں جس ول نے جہاناں دیاں نظراں
سرکار تُسی او میری سرکار تُسی او
جس پاروں اے دل زندہ او چاہت ہے تساڈی
جس وچ اسیں وسنے آں اوہ سنسار تُسی او
گل بات کوئی مینوں بناں نعت نہ سُبھے
میرے تے خیالاں دے وی مختار تُسی او
حفیظ تائب
No comments:
Post a Comment
Note: only a member of this blog may post a comment.