پنجابی عارفانہ کلام
فیر طیبہ توں بلاوا آ گیا
فیر پیاسے کول دریا آ گیا
بھیک منگنا واں شہا دیدار دی
لے کے اکھاں دا میں کاسہ آ گیا
جتھے پلکیں چن تارے سج گئے
ایہہ دلا! دس کیہڑا پاسا آ گیا
جد نظر سجدے گزارن لگ پئی
میں سمجھ لِتا مدینہ آ گیا
بند سارے ضبط دے ٹُٹدے گئے
جد نظر سوہنے دا روضہ آ گیا
آپؐ دے اُسوے تے جیہڑا چل پیا
اوہدے ہتھ بخشش دا نسخہ آ گیا
یاد طیبہ دی اے دم دم میرے نال
کون کہندا اے میں کلّا آ گیا
کجھ نہ پُچھو کس طراں خالد شفیق
مُڑ کے طیبہ توں تڑفدا آ گیا
خالد شفیق
No comments:
Post a Comment
Note: only a member of this blog may post a comment.