پنجابی سرائیکی شاعری
خواب آندے میکوں سما ڈیندے
اندری اندر ولا جگا ڈیندے
ہُن وی کوئی گالھ چا کرے اوندی
گالھا دل ہے دھمال پا ڈیندے
اپنڑے سر تے اساں پئے نچدے ہئیں
وقت وی کینجھے گُر سکھا ڈیندے
گالھ اے نئیں جو کون کیا کیا ہے
گالھ اے ہے جو کون کیا ڈیندے
کتنی اوکھی ہے سانبھ کے رکھنڑی
کتنا سوکھا ہے جو ونڈا ڈیندے
وقت ڈسدا تاں نئیں کہیں کوں وی
وقت کیا کیا مگر ڈکھا ڈیندے
کوئی عجب دلبری دا رشتہ ہے
ہنج سم پووے دل دعا ڈیندے
آکے اکھیاں تے ہتھ چا ڈیندا ہے
کھیڈدے کھیڈ ول ونجا ڈیندے
عزیز شاہد
No comments:
Post a Comment
Note: only a member of this blog may post a comment.