پنجابی سرائیکی شاعری
پیار دی کوئی سزا ڈیویں ہا
میکوں سُولی چڑھا ڈیویں ہا
جے محبت نوہی ناں سہی
میڈا فوٹو ولا ڈیویں ہا
ڈیکھ مردا پیاں مونجھ توں
اج تاں دیدار آ ڈیویں ہا
مُک گئی اے یار جیکر شراب
نال اکھ دے پلا ڈیویں ہا
تیڈی زندگی دی قیمت ہے کیا
اونکوں توں تحفہ کیا ڈیویں ہا
روز دھمکی جو ڈیندیں میکوں
سچ ڈسا کیا بھلا ڈیویں ہا
رل گئے ہیں تیڈی گول وچ
ہنڑ تاں اپنڑاں پتہ ڈیویں ہا
اپنڑیں ہتھ نال دفناویں ہا
ہتھ وی اکھیں دے آ ڈیویں ہا
اوندے پیریں اتے ڈھے تے فیض
میڈی بھل بخشوا ڈیویں ہا
فیض بلوچ
No comments:
Post a Comment
Note: only a member of this blog may post a comment.