جدید پنجابی شاعری
دل چ نئیں رہن دینا چھڈ فر رہن دے
نیڑے وی نئیں بیہن دینا چھڈ فر رہن دے
اکھاں جدوں اکھاں نال کھین گل بن دی
اکھاں جے نئیں کھین دینا، چھڈ فر رہن دے
چنگا سی جے شک دور کر لیندوں، دل دا
شک نئیں لہن دینا چھڈ فر رہن دے
سوچیا سی، تیرا دکھ سُکھ ونڈ لاں گی
دُکھ جے نئیں سہن دینا، چھڈ فر رہن دے
گہن لگے چن نوں، جے مکھڑا وکھاویں توں
چن نوں نئیں گہن دینا چھڈ فر رہن دے
رولا شولا پاوے کوئی، چپ لگی شہر نوں
رولا وی نئیں پین دینا چھڈ فر رہن دے
کہنا اج دل والا حال نسرین نے
اوہ وی نئیں کہن دینا چھڈ فر رہن دے
نسرین سید
No comments:
Post a Comment
Note: only a member of this blog may post a comment.