جدید پنجابی شاعری
شام سویرے ویکھدا رہناں میری تیری تصویر نُوں
میں چُم کے گل لا لیا تیری زُلف دی زنجیر نوں
مل جاویں تے وارناں خُدا نے جہان دے
وچھڑ جاویں تے دوش دیناں واں تقدیر نوں
جے دارُو درد دا نئیں سی سجناں کول تیرے
سوچ کے مارنا سی ذرا نیناں دے تیر نوں
درد مینوں لے گیا تے لے گیا اوہ چین نوں
اکھاں نئیں جے چھڈدیاں کیرنوں نیر نوں
اوہ بن گیا جوگی جو مجھیں چاردا سی تیریاں
آکھ دیوے کوئی جا کے رانجھنے دی ہیر نوں
وستیاں کولوں قلندر اوہ اُجاڑاں نے چنگیاں
دُکھ تے نئیں دیندیاں کسے وی راہگیر نوں
اسماعیل قلندر
No comments:
Post a Comment
Note: only a member of this blog may post a comment.