جدید پنجابی شاعری
لوکی کہن قلندر تائیں لوہا ڈھال کے پھردا
میں تے ہیرے ورگی جندڑی دکھیں گال کے پھردا
وچ زمانے لوک سیانے بندہ ملدا اوکھا
دن دنیویں میں وچ بازاراں دیوا بال کے پھردا
یار پار پئے لوکی آکھن، یار نہ بنڑدا کوئی
ایسے دکھوں میں دی لوکو ویلا ٹال کے پھردا
دنیا ساری تلکن بازی چاتر ڈگدے ویکھے
اپنے ولوں ہر کوئی ایتھے پیر سنبھال کے پھردا
اج دا عادل صوفی ملاں سچی گل سناواں
بکل دے وچ سپ حرص دا دودھیں پال کے پھردا
دل دلاں نوں جانن والے دل دلاں دے ویری
انج قلندر ہر کوئی اُتوں روپ دکھال کے پھردا
اسماعیل قلندر
چیاں لغراں
No comments:
Post a Comment
Note: only a member of this blog may post a comment.