جدید پنجابی شاعری
کر دے دور ہنیرے سائیاں
شہ رگ توں وی نیڑے سائیاں
دور وسیبے جِنّہاں کیتے
وسن دل دے نیڑے سائیاں
ہالی تیکر مُک نہ ہُندے
دنیا والے چیہڑے سائیاں
کیدو کیسی چال سی چلی
لے گئے ہیر نوں کھیڑے سائیاں
جِنّہاں نوں کوئی غم نئیں ہندا
ہندے نیں اوہ کیہڑے سائیاں
ایسا گیت سناوے کوئی
دل دے تار نوں چھیڑے سائیاں
رب توکّل کر گئے جیہڑے
ہو گئے پار اوہ بیڑے سائیاں
نیری وچ کھلوتے رہندے
نیویں رُکھ نیں جیہڑے سائیاں
ساہواں نال ای سحر اوہ مکدے
ماپیاں ساک جو سہیڑے سائیاں
رضوانہ سحر ہاشمی
No comments:
Post a Comment
Note: only a member of this blog may post a comment.