جدید پنجابی شاعری
جیں سُرخاب پرانبل ریجھاں والی تے
ہُونٹے لَے دل اوہدے کَن دی والی تے
فِر وی سِر توں اُچی دُھوڑ اُڑا لیندا
عِشق نچاوے بھانویں راہ پتھرالی تے
پِڑ جِتّن لئی جپھی تے جِبھ ورتاں گا
مینوں یار بھروسہ نئیں دو نالی تے
ہر سُورج دی مُٹھ چوں رزق میں کھوہ لَیناں
بھانویں اکھاں کڈھے او اڑتالی تے
اپنے پِنڈ دے چیتر دی میں سَونہہ کھاناں
پِیلک آن دیاں گا نہ ہریالی تے
لہو دے نال گُڑّچ ای منظر بن جاندے
ضامن میں نئیں لِکھنا سن سنتالی تے
الطاف ضامن چیمہ
No comments:
Post a Comment
Note: only a member of this blog may post a comment.