جدید پنجابی سرائیکی شاعری
عجیب تُوں ہیں
میں کتنے ڈیہنہ توں اے سوچدی ہاں
جو تیں تُو پچھاں
اے میکوں پک ہیے
جو تیڈی غیرت وی کچ دی ونگ توں نفیس ہوسی
میں پچھ گھدا تاں نراض تھیسیں
ایہہ تھی وی سگدائے جو اپنڑے وعدے تروڑ ڈیویں
تُو ادھے رستے ت میں نمانڑی کو چھوڑ ڈیویں
تے جو وی تھیوے ڈسا ہاں میکوں
اے تیڈی ضد ہیے اے تیڈی رٹ ہیے
جو ادھی راتی میں گھر چوں نکلاں تے تیکو مِلاں
اے تیڈی ضد ہیے تاں میں منیساں
چلو نکلساں میں تیکو ملساں
ملنڑ توں پہلے بس اے ڈسا چا
تو ادھی راتی ملنڑ دے کیتے جو گھر تو نِکلیں
اے تیکوں نظرے جو بھینڑ تیڈی وی گھر دے باہروں
کسے بہانے او اجنبی نال ملدی پئی اے
تاں کیا کریسیں؟
ایہ اوندا حق اے جو اپنڑی چاہت کوں جگ تو چھپ چھپ کے ملدی راہوے
یا اوندے کیتے اصول ہور ہِن؟
جڈاں تُوں سمجھیں جو اوندا حق اے
تاں میکوں ڈسیں
میں تیکوں ملساں
خالد ندیم شانی
No comments:
Post a Comment
Note: only a member of this blog may post a comment.