جدید پنجابی شاعری
کر کے سوچ وچار آندا اے
مرضی ہووے تے یار آندا اے
جو وی پاندی اے اوہنوں جچدا اے
اوہنوں سولہ سنگھار آندا اے
تیرا اِقرار چیتے آئے تے
میرے دل نوں قرار آندا اے
چنگے ویلے چ اک خرابی اے
ہو کے واء تے سوار آندا اے
اوہدے سر ذمےداری ہوندی اے
جس دے ہتھ اختیار آندا اے
پیار دے بدلے پیار لبھناں ایں
مینوں تیرے تے پیار آندا اے
جتھے بچپن ہنڈایا اے ظفری
خواب وچ اوہو گھار آندا اے
ظفر اعوان
No comments:
Post a Comment
Note: only a member of this blog may post a comment.