جدید پنجابی شاعری
ساریاں گلاں رد کر دیناں
قسمیں میں وی حد کر دیناں
اوہنوں کِیویں بُھلّاں جس نُوں
یاد کرن دی حد کر دیناں
جِتھے تیرا ناں سُن لیناں
آپنی ہستی رد کر دیناں
پرچھاویں نُوں آسرا دے کے
آپنے آپ توں ودھ کر دیناں
لوکی پِچھے پے جاندے نیں
تیریاں گَلّاں جد کر دیناں
او وی پیار دی حد کر دیندے
میں وی حدوں ودھ کر دیناں
زین شکیل
No comments:
Post a Comment
Note: only a member of this blog may post a comment.