جدید پنجابی شاعری
کھوپے
میں ٹہگا نئیں
فیر وی کیوں لگدا اے مینوں
کسے نے گل وچ ٹلی بنھ کے
کھوہ گیڑن تے لا دتا اے
اکھیں کھوپے
نک وچ نتھ
تے پیراں تھلے
اکو جیہادن رات دا چکر
اُنج تے ایہہ وی ہو سکدا اے
اکو تھاں تے کھڑا کھڑوتا
اپنی تہون ہلائی جاواں
ٹلینوں کھڑکائی جاواں
پر جس گل وچ ٹلی پائی
اکھاں تے کھوپے بنہے نیں
جس دے ہتھ اِچ نتھ دی ڈوری
اوہ تے دل دے اندر وسدا
منیر انور
No comments:
Post a Comment
Note: only a member of this blog may post a comment.