جدید پنجابی شاعری
اوہدے پیار نُوں دل دے وِچوں کڈھ دِتا
اپنے ہتھیں وِیجیا بُوٹا وڈھ دتا
تدے فقیرا تیری جھولی خالی اے
توں تے ہر بُوہے تے پلو اڈھ دتا
کل ایہہ وی تے سُرخی اک اخبار چ سی
سکے پُتراں پیو نُوں گھر چوں کڈھ دتا
میرے نال کوئی اک انہونی ہوئی اے
تُوں نئیں مینوں چھڈنا سی تُوں چھڈ دتا
ادب دی جوہ چوں کسے وی شاعر پٹیا نئیں
جیہڑا نیزہ وارث شاہ نے گڈھ دتا
اج اوہ آکھ گیا اے قسمے انج کر کے
جا اوئے غزنی اج تُوں تینوں چھڈ دتا
محمود غزنی
No comments:
Post a Comment
Note: only a member of this blog may post a comment.