جدید پنجابی شاعری
جَگ نوں دَسیا نہ تصویر وکھائی میں
اوہدی سِک وی بُکل وچ لکائی میں
کہندا، میری سِک دی مینوں جھلک وکھا
پیروں امبراں تک فر دُھوڑ اڑائی میں
شہر بھرے جد مُنہ نہ لایا چندری نوں
فیر اداسی مر جانی گل لائی میں
یاری دے وِچ ہر اِک حد نُوں توڑ گیاں
اوہدی جھُوٹھی گل وی ہر وڈیائی میں
آپے بُھگتاں گا ہُن پینڈے راتاں دے
سُورج چھڈ کے تارے نال بنائی میں
دل سمجھاون نُوں وی تہمت لائی نئیں
چھڈ کے گئے وی آکھے نہ ہرجائی میں
حق وی چھڈیا، ہاریا آپے وِیرے توں
ایسے جِت دی ونڈی فِر مٹھیائی میں
الطاف ضامن چیمہ
No comments:
Post a Comment
Note: only a member of this blog may post a comment.