جدید پنجابی شاعری
دل نوں آساں، اکھ نوں چیتر ونڈے نیں
چندرے سب نوں، ساوے منظر ونڈے نیں
پہلوں پہل اُس نفرت ونڈی وَستی نوں
مُڑ کے اوہنے گھر چوں وی گھر ونڈے نیں
کل دِھی جَمّی میرے اِک گُوانڈی دی
میں اَج اپنے مُفت کبوتر ونڈے نیں
چور کتاباں لَے گئے وارث، مِیر دیاں
میں فِر لَڈو تھالاں بھر بھر ونڈے سی
مُلاں فرق طریقے پہلے ویچے نیں
فیر دُکاناں سَجیاں منبر ونڈے نیں
میتھوں پہلاں رِیت ای نئیں سی اُڈن دی
میں اِی آ کے سوچاں نوں پر ونڈے نیں
وقت چرخڑا ضامن پھردِیاں رُتاں دا
پِیلک نوں جس ساوے پَتر ونڈے نیں
الطاف ضامن چیمہ
No comments:
Post a Comment
Note: only a member of this blog may post a comment.