جدید پنجابی شاعری
حالے تک نیں سِلّی اکھ دے اندر
سُکے سُفنے گِلّی اکھ دے اندر
شِکری دُھپ دی رج کے آکڑ بھناں
سورج نپ کے وِلّھی اکھ دے اندر
سارے دِن دے دُکھ چماون راتیں
سارے دِن دی چِھلّی اکھ دے اندر
ایسے سوچوں اج وی سوں نہیں سکیا
خورے کیہ سی بِلّی اکھ دے اندر
ساڈے توں ایں عشقا ہن کیوں ڈردا
مار کے سانوں ڈِلّھی اکھ دے اندر
سوہنی سی تے ڈُب گئی ادھ وچکارے
جِہڑی ریجھ وی ٹِھلّی اکھ دے اندر
بُہتا چِر نہیں اتھرو ڈکے رہندے
سندھو کچی پِلّی اکھ دے اندر
ارشاد سندھو
No comments:
Post a Comment
Note: only a member of this blog may post a comment.