جدید پنجابی شاعری
رات اِک بھاری کیہ کیہ دساں
دل تے آری کیہ کیہ دساں
میری اکھ نوں روگ اے کہڑا
سو بیماری کیہ کیہ دساں
بندا نہیں اج ناگ اے بندا
اِچھا دھاری کیہ کیہ دساں
راتیں فوجاں لے کے چڑھدا
چن شکاری کیہ کیہ دساں
سارے جگ نوں چُکی پھردی
اِکو لاری کیہ کیہ دساں
میری قسمت ریت سی خورے
کِر گئی ساری کیہ کیہ دساں
مطلب مگروں ویکھی خُرما
ڈھیر مکاری کیہ کیہ دساں
خرم چودھری
No comments:
Post a Comment
Note: only a member of this blog may post a comment.