پنجابی عارفانہ کلام
اوہ اے تیرا اللہ رحمان بندیا
بنایا تینوں جنہیں انسان بندیا
کلا اے اوہ انگ ساک نہ برادری
اوہدی کر سکدا نہیں کوئی برابری
کلا اے اوہ کلے دا جہان بندیا
اوہ اے تیرا اللہ رحمان بندیا
دم اوہدے اگے کوئی نہیں مار سکدا
ڈوب دیوے جنہوں کوئی نہیں تار سکدا
اوہدے ہتھ نفع نقصان بندیا
اوہ اے تیرا اللہ رحمان بندیا
اوہدے اگے سر نوں جھکایا کر توں
لوڑ پوے اوہدے بوہے آیا کر توں
کر دے اوہ مشکلاں آسان بندیا
اوہ اے تیرا اللہ رحمان بندیا
عبدالشکور عزیز
No comments:
Post a Comment
Note: only a member of this blog may post a comment.