جدید پنجابی شاعری
ہُلّہ خوشبو دا وی قابو کر سکناں
مُٹھ اِچ نال ہوا وی قابو کر سکناں
قطرے نال سمندر سارے بھر دیواں
ٹھوٹھے وچ دریا وی قابو کر سکناں
نُوری صدیاں تک میں پَل وِچ پہنچ رِیاں
پینڈاں امبراں دا وی قابو کر سکناں
ڈھیر کتاباں لِکھ سکناں میں اوہدے تے
مصرعہ اوس جِیا وی قابو کر سکناں
جِسراں پَل پَل ، مَر مَر جاناں تیرے تے
اُنج میں رِیجھاں چا وی قابو کر سکناں
میں اُس چاتر دی ہر چال نُوں سمجھ گِیاں
اوہدا ہر اِک دا وِی قابو کر سکناں
ربا! جے تُوں ضامن دی کُجھ مدد کریں
جگ دے فیر خدا وی قابو کر سکناں
الطاف ضامن چیمہ
No comments:
Post a Comment
Note: only a member of this blog may post a comment.