جدید پنجابی شاعری
دو اکھیاں نیں تھوڑا ہس کے
کوڑے مارے مُشکاں کس کے
پہلاں مار ادھ مویا کیتا
فیر اٹھایا تلیاں جھس کے
اچن چیتی وار کریندا
عشق نہ مارے پہلاں دس کے
یار دا بُوہا اپنی دنیا
کتھے جانایں ایتھوں نس کے
ہاہا کسراں بھولی بن دی
من دی نہیں پئی دل نوں کھس کے
اوہ بدلاں دی فطرت والی
اڈھ پُڈھ جاوے تھوڑا وس کے
ٹوٹے ٹوٹے جُسا اے پر
یار بلاوے جاواں نس کے
رُسیا اے تے ساہواں،سُولی
جیون مہکے ، بولے رس کے
اکھ دی پھاہی مار چھڑیندی
میں تکیا اے احمد پھس کے
علی احمد گجراتی
No comments:
Post a Comment
Note: only a member of this blog may post a comment.