پنجابی سرائیکی شاعری
دید کئی درمیان ہووے پئی
کئی نہ کئی جاگ جان ہووے پئی
کئی متاں تیڈا ناں پچھے میں توں
میڈے مونہہ وچ زبان ہووے پئی
اچھا! ول بادشہ کوں نِندر آ گئی
اے کہانی بیان ہووے پئی
ہجر دی رات آس رکھ ائی اے
رات کھیں دی مہمان ہووے پئی
بئے جنم تئیں فقیر سک ساڈی
تیڈے کولوں امان ہووے پئی
من مسیت ءچ متاں کئی لنگھ آوے
کہیں دے ناں دی اذان ہووے پئی
اپڑیں پیرے مٹا مٹا کے ٹُرو
بے کسی بے نشان ہووے پئی
عزیز شاہد
No comments:
Post a Comment
Note: only a member of this blog may post a comment.