پنجابی عارفانہ کلام
فانی اے ایہہ دنیا جہان والی زندگی
اللہ جنی دیوے دے ایمان والی زندگی
اللہ پاک تیریاں میں حمداں سنائی جاں
دیویں توں توفیق تے میں لوکاں نوں پچائی جاں
دے دے مینوں حق توں پچان والی زندگی
اللہ جنی دیوے دے ایمان والی زندگی
لنگھ جاوے زندگی شیطان کولوں بچ کے
جھوٹھے تے فریبی بے ایمان کولوں بچ کے
جنی ہووے حمداں سُنان والی زندگی
اللہ جنی دیوے دے ایمان والی زندگی
بھلاں چکاں میریاں بنا دے اللہ نیکیاں
نیکیاں دے پلڑے چ پا دے اللہ نیکیاں
باقی ہووے سجدے اذان والی زندگی
اللہ جنی دیوے دے ایمان والی زندگی
دین والی سچے اسلام والی زندگی
نبی کریمﷺ دے پیغام والی زندگی
نبیﷺ دے صحابہؓ رضوان والی زندگی
اللہ جنی دیوے دے ایمان والی زندگی
عبدالشکور عزیز
No comments:
Post a Comment
Note: only a member of this blog may post a comment.