پنجابی عارفانہ کلام
سوہنا کملی والا ماہی طیبہ دا
جگ وچ سبھ توں اعلیٰ ماہی طیبہ دا
عزتاں دا رکھوالا ماہی طیبہ دا
بنے لاون والا ماہی طیبہ دا
غم دے صحرا اندر ورہدی لوواں وچ
پیار دا مٹھا پالا ماہی طیبہ دا
دکھاں دے ونجارے ماڑے لوکاں لئی
کرم کماون والا ماہی طیبہ دا
سچ وصفاں والا مٹھڑا بولی دا
اچے ناویں والا ماہی طیبہ دا
شکر دوپہرے اگ ورساندی دھپاں وچ
چھاواں ونڈن والا ماہی طیبہ دا
انساناں دے ذہناں اتوں شرکاں دے
جالے لاہون والا ماہی طیبہ دا
حشر دیہاڑے رن توں عاصی امت لئی
بخشش منگن والا ماہی طیبہ دا
ساڈے ستے لیکھ جگاون لئی خالد
دتا باری تعالیٰ ماہی طیبہ دا
خالد شفیق
No comments:
Post a Comment
Note: only a member of this blog may post a comment.