جدید پنجابی شاعری عارفانہ کلام
سوہنے پاک محمدﷺ پیارے
ساڈے دل دے چین سہارے
آ کے دیندا چَن سلامی
کردے سجدے جُھک جُھک تارے
آقاﷺ دے دربار تے یارو
سب دے ہُندے خوب گُزارے
اَکھاں ویکھ کے رجدیاں ناہیں
روضے دے پُر نُور نظارے
اوہناں دے قدماں دے صدقے
ڈُبے لگدے نال کنارے
ایہہ خاکی تے نُوری ناری
آقاﷺ دے منگتے نیں سارے
ساوے ساوے گنبد اُتوں
ہر کوئی اپنا تن من وارے
دشمن دا وی دل موہ لیندے
ایسے بولن بول پیارے
سارے جگ تے پائے قلندری
اوہناں دی رحمت لشکارے
اکرم قلندری
No comments:
Post a Comment
Note: only a member of this blog may post a comment.