جدید پنجابی شاعری
پھلاں کولوں پچھ یا بہاراں کولوں پُچھ
اساں کے ہاں ایہ ساڈے یاراں کولوں پچھ
اس دے دیدار ءچ ایڈا کہڑا نشئہ ہے
بوہے اوہدے لگیاں قطاراں کولوں پچھ
کسے دی محبتاں دا مل کیڈا تھوڑا ہے
بنگلے کوٹھیاں تے کاراں کولوں پچھ
دوائی نالوں شہر دا کرایہ ڈھیر لگدائے
کیویں پئی ہے نبھدی بیماراں کولوں پچھ
ضد اتے آوے تاں پٹھانڑ کیویں رولدائے
اے گل اپڑیں لوہاراں کولوں پچھ
پیار ءچ جنگ دا نتیجہ کے ہو سگدائے
انا دیاں خونی تلواراں کولوں پچھ
یار کہنوں آدھے ہن یاری کہڑی شۓ ہے
اللہ اللہ مکے دیاں غاراں کولوں پچھ
ثمر اس دیس نوں چوراں کیویں لٹیائے
باقیاں نوں چھڈّ پہرے داراں کولوں پچھ
اشرف ثمر
No comments:
Post a Comment
Note: only a member of this blog may post a comment.