پنجابی عارفانہ کلام
لگ جان کدی پار اُمیداں دے سفینے
اک صُبح مدینے ہووے اک شام مدینے
سرکار نہ دُوری دیاں موجاں چہ بکھر جاں
جھونکا واں ہوا ورگا میں کجھ سال مہینے
میں لُطفِ مدینہ دی گُزاراں گا سلاٸی
سرکار چمک جان گے اکھاں دے نگینے
ہے نال مِرے نُور تے ہے نُور علی نُور
اللہ نبیﷺ وارث، مِرا کل نال قرینے
فردوس اے نعلین دی اُترن دا نظارا
زم زم تے اے کوثر خدِ اطہر دے پسینے
عُنوان نٸیں دل نوں لبھاون دا کوئی ہور
بس ذکرِ مدینہ ہووے ٹھر جان گے سینے
محروم نہ رکھدے نیں عنایات توں عمران
اُمید دے کاسے چہ دلاسے دے خزینے
عمران شریف
No comments:
Post a Comment
Note: only a member of this blog may post a comment.